शालिकराम पुडासैनी मृत्युका सम्बन्धमा टेलिभिजन पत्रकार रबि लामिछानेलाई प्रहरीले सोधपुछको लागि बोलाएको छ। पत्रकार लामिछानेले प्रहरी सोधपुछमा असहयोग गरेमा निजलाई गिरफ्तारी गर्ने सम्भावना रहेको घटनासंग जानकार श्रोतले बताएको छ।
यस अघि जिप्रका, चितवनका प्रमुख एसपी दानबहादुर मल्लले प्रहरीले कारबाही अघि बढाउन भिडियोको फरेन्सिक रिर्पोटको प्रतिक्षा गरि रहेको र सम्भवत उक्त रिर्पोट आज बिहिबार प्राप्त हुने बताउनु भएको थियो। उहाँले पोष्टमार्टम रिर्पोट र डिजिटल फरेन्सिक रिर्पोट आए सँगै पत्रकार पुडासैनीको मृत्युको घटनालाई मुलुकी अपराध संहिता अनुसार आवस्यक कारबाहीको लागि अघि बढाइने बताउनु भएको थियो।
प्रमाण ऐन २०३१ को दफा ११ अनुसार कुनै व्यक्तीले आत्महत्या गर्नु पहिले आफ्नो मृत्युको कारणका सम्बन्धमा व्यक्त गरेको कुरालाई प्रमाणको रुपमा लिन सकिने व्यवस्था गरेको छ।
पोस्टखबर बाट
