सी सेनाले आवाजको गति भन्दा २० गुणा तेज उड्ने एवनगार्ड हाइपरसोनीक मिसाइल सिस्टमलाई पहिलोपटक आफ्नो सेनामा सामेल गरेको छ । यस्ता मिसाइलहरू आफ्नो बाटो आफैं खोजेर हिंड्न सक्ने व्यवस्था गरिएको रुसी अधिकारीहरूले बताएका छन् ।
सँगसँगै यस्ता मिसाइलहरूलाई कसैले आक्रमण गर्न नसक्ने बताइएको छ ।
रुसी रक्षा मन्त्रालयले यी मिसाइलहरू कहाँ तैनाथ गरिएको छ भन्ने जानकारी दिएको छैन । रुसी सञ्चारमाध्यमहरूले स्रोतको हवाला दिँदै युराल पर्वतमा यस्ता मिसाइलहरू राख्न सक्ने सम्भावना रहेको समाचार प्रकाशित गरेका छन् ।
रुसले पहिलोपल्ट परमाणु हतियार बोकेर उड्न सक्ने यस्ता मिसाइलहरू बनाएको बताएका छन् । मंगलवार रुसी राष्ट्रपति भ्लादिमिर पुटिनले भनेका थिए, ‘अहिले कुनै पनि देशसँग यस्ता हाइपरसोनीक मिसाइलहरू छैनन्, र यो मामिलामा हामी दुनियाँमै पहिलो भएका छौं ।’
रक्षा मामिलाका जानकार जोनाथन मार्कसले हाइपरसोनीक मिसाइल सिस्टमलाई सेनामा सामिल गरेर रुसले अमेरिकालाई पनि पछाडि छोडेको प्रतिक्रिया दिएका छन् ।
